СРИМСКА МИТРОВИЦА – Вецей здруженя польопривредних продуковательох Войводини и централней Сербиї наявели же нєшка на 11 годзин буду блокировац драги у Сербиї, бо су нєзадовольни зоз своїм положеньом и станом на тарґовищу польопривредних продуктох.
Представителє польопривреднїкох нє сцели виношиц деталї о тим хтори драги буду блокировани, же би их полиция у тим нє зопарла, алє визначели же явносц будзе на час поинформована
Вони аґенциї Бета гварели же блокади драгох, автодрагох и мостох буду тирвац нєпреривно по сполньованє їх условийох, а од Влади Сербиї и Републичних робних резервох вимагаю же би такой одкупели звишок викармених швиньох по 185 динари за кґ з ПДВ, интевентни одкуп млєка и забрану увозу меса и продуктох з меса и млєка и млєчних продуктох по конєц 2015. року.
Польопривреднїки вимагаю и вименки Правилнїку о обтоку и хаснованю живого статку и меса. Блокаду драгох потрима и Здруженє продуковательох догану Сербиї, понеже им одкупйоваче нє виплацели длуство од пейц милиони еври за випоручени доган 2014. року.