СРИМ – У наших церквох у Шидзе и Бачинцох назберана пенєжна помоц за загрожених у України, з чим ше уключели до широкей акциї католїцких церквох у Европи у збераню помоци за загрожених у України.
Як Рутенпрес дознава од пароха о. Михайла Режака, у Шидзе назберани 5 000 динари, а як за Рутенпрес гварел парох у Бачинцох о. Дарко Рац, ту назберани 740 динари. Додал же гоч винос нє вельки, даровани є од шерца.
По словох пароха у Беркасове и Бикичу о. Владимира Еделинския Миколку, у тих церквох вирни тераз нє зберали пенєжни прилог, з надпомнуцом же уж на вецей заводи даровали пенєжни прилоги загроженим у України.