ВЕРБАС – Грекокатолїцка парохия св. Владимира у Новим Вербаше нєшка закончела з гуманитарну акцию збераня пенєжу тром своїм парохиянком, дванацрочним шестром тройнятом Мачуженсковим, котри нєдавно остали без родичох.
У акциї назберани 24 000 динари, з хторих дзивчатом купене облєчиво и обуй за жиму и други потребни ствари.
Як Рутенпрес дознава од нововербаского пароха о. Иґора Вовка, о тройнятох ше после траґичней шмерци їх мацери старал оцец, котри нєдавно умар, а тераз ше о нїх стара осемнацрочна шестра.
То нє перша акция з хтору нововербаска парохия помага фамелиї Мачуженски, а кажде хто им на даяки способ жада помогнуц, най ше обяви на парохию ґу о. Вовкови.