СРИМСКА МИТРОВИЦА – Вчера у парохийним доме грекокатолїцкей церкви у Сримскей Митровици отримана схадзка о роботи Подручней канцелариї Националного совиту (НС) Руснацох у тим городзе.
Попри Руснацох з Митровици, на схадзки, хторей домашнї бул сримскомитровицки парох о. Владислав Варга, присуствовали и предсидатель НС Славко Рац и предсидатель Вивершного одбору НС Желько Ковач.
Бешедуюци о снованю Подручней канцелариї НС у Сримскей Митровици, бешедоване и о єй организацийних и других активносцох, хтори подрозумюю и задлужованє особох за културу, информованє, образованє и службене хаснованє язика и писма.
Канцелария будзе отворена шицким Руснацом, їх почитовательом и людзом добрей дзеки, гварене на вчерайшей схадзки.