ШИД – Всоботу Парохия Преображеня Господнього орґанизовала роботну акцию у хторей ше садзело древка у порти Лєтнєй владическей резиденциї.
Стари чемпресово древка тидзень пред тим повиберани, а посадзени 22 нови младнїки туї хтори зоз свойого розсаднїку квеца и древкох у Бикичу даровала Дуня Гнатко, инженєрка пейзажней архитектури зоз Шиду.
Младнїки посадзени з обидвох бокох дражки ґу главним дзвером будинка Лєтнєй владическей резиденциї.
На акцию ше одволали осемцме хлопи хтори вєдно з парохом о. Михайлом Режаком робели по пополадньово годзини, а жени зоз Старшого шестринства ше постарали за окрипенє.
