ШИД – Вчера, на швето Сошествиє Святого Духа – Русадля, у церкви Преображеня Господнього у Шидзе було шветочно, бо церква була украшена з конарами лїпи и траву по жеми, а на Служби Божей, хтору служел парох о. Михайло Режак, було надосц вирних.
Шветочносц возвеличана и з Першу причасцу двоїх школярох – брата и шестри Давида и Сари Гирйоватийових. Парох о. Режак им пожадал же би през цали живот ишли по християнскей драги и були добри християнє.
Вчерайша Перша свята причасц була после дворочней павзи, понеже нє було школярох котри би ше перши раз причащали, а окрем Спомину на тоту шветочну подїю, Давид и Сара од о. Режака достали и молитвенїки.