РУСКИ КЕРЕСТУР – Месна заєднїца у сотруднїцстве зоз ЯКП Руском з Руского Керестура тих дньох покладла жардинєри опрез погосцительного обєкту Менза у центру валала.
Понеже у тей часци центру пешаком, а окреме родичом зоз дзецми, уж длугши период очежани и нєбезпечни преход, жардинєри праве з тим цильом и поставени.
Окрем жардинєрох до хторих будзе посадзене квеце, ЯКП Комуналєц зоз Кули тих дньох випише и паркинґ места же би ше при гражданох пребудзело свидомосц о правилним паркированю, а кед будзе потреби, коло жардинєрох буду поставени и украсни ланци.