НОВИ САД – Покраїнски секретарият за спорт и младеж того року наградзи найуспишнєйши дзеци з Войводини и їх менторох, заключене стреду, 9. децембра, на схадзки Покраїнскей влади.
Талантовани школяре достаню вєдно 13 окремни дипломи з пенєжнима наградами, потим 65 дипломи з пенєжнима наградами, 81 диплому, а 75-еро менторе достаню пенєжни награди. По єдну диплому достанє оркестер, хор, секция, а школяре достаню вєдно 97 похвали.
Покраїнска влада принєсла и ришенє по хторим ше рочнє будзе давац пенєжну награду од 400 000 динари за найлєпши спортски екипи у хлопскей и женскей катеґориї.