БЕОҐРАД – Вчера, 4. марца, почало законске леґализованє оружия, а Министерство нукашнїх дїлох (МУП) поволує гражданох же би у идуцих трох мешацох на леґализовнє придали шицки файти оружия и мунициї за хтори нє маю дозволу.
Физични и правни лїца можу леґализовац оружиє за особну безпечносц (пиштолї и револвери), ловарске оружиє (ловарски пушки и карабини), та спортске оружиє (пиштолї, револвери и пушки малого калибру и воздушни пушки).
Власнїки оружия и мунициї маю их однєсц до найблїзшей полицийней управи (ПУ), а як наведзене у сообщеню МУП, нє буду покарани за нєовласцене набавянє и триманє оружия.
Министерство тиж поволує гражданох же кед найду, або маю минско-експлозивни средства, най о тим обвисца ПУ на число 192 и най нє рушаю пренайдзени средства.