ЖАБЕЛЬ – У шицких штирох местох жабельскей општини почало ушорйованє драгох на уходох до хотарох, односно ткв. отресачох на початку дильовох. Буду длугоки 1 500, широки 4 до 5 метери, а даєдни часци буду преляти з асфалтом.
У Дюрдьове таки отресача будзе на уходзе до хотара зоз Святосавскей улїци (при Мониковим салашу), а у Ґосподїнцох на ткв. Папучи.
Як гварели у Општинскей управи, конєчни винос потребних средствох за роботи будзе познати по їх законченю, пре розличносци самого терену. Пенєж за тоту намену у буджету обезпечени з даваня державней жеми под аренду, а роботу окончує „Карин комерц” з Нового Саду.