СЕРБИЯ – Вчера почало одкупйованє кармених швиньох за Републичну дирекцию за робни резерви, а предвидзене же буду одкупени 10 000 швинї по 170 динари за кґ за першу класу, 150 динари за другу и 140 динари за трецу класу. После того будзе и черанка швиньох за меркантилну кукурицу.
Уния польопривреднїкох зоз Сримскей Митровици ище пред двома мешацами вимагала интервентни одкуп швиньох, а потримали их и други здруженя у Сербиї. Вчера рано одкуп почал у општинох у Сриме, та Жаблю и Бачкей Тополї.
Було предвидзене же перши дзень буду одкупени од 1 200 до 1 500 швинї. Идуци днї тото число будзе звекшоване, та за єден дзень годно одкупиц аж 2 500 швинї, понеже ше на явну поволанку одозвали осем клальнї. Як наявене, перши 10 000 швинї ше будзе предавац за пенєж, а остаток у натури.