НОВИ САД – Штварток, 26. марца, у Заводзе за културу войводянских Руснацох отримани перши курс практичного новинарства за студентох Оддзелєня за русинистику Филозофского факултету у Новим Садзе. Курс новинарства орґанизовани пре злєпшанє ефективносци практичней анґажованосци студентох Оддзелєня за русинистику у руских институцийох, як цо то новини „Руске слово”.
Сотруднїцтво новинох „Руске слово” и Оддзелєня за русинистику порушане же би студенти здобули праксу и преширели знаня з новинарства, а медиї же би достали нових, младих сотруднїкох. Здобути знаня и праксу студенти годни применїц прейґ публикованя своїх роботох на бокох „Руского слова”, односно у його рубрикох „Литературне слово” и „Мозаїк” .
Отримованє курсу практичного новинарства за студентох Оддзелєня за русинистику будзе два раз мешачно, а шлїдуюци будзе штредком априла. На курс ше можу придружиц и шицки други заинтерсовани млади котри сцу здобуц знаня з практичней журналистики.
