Почал Ноцни турнир у малим фодбалє

автор сен
799 Опатрене

РУСКИ КЕРЕСТУР – Вчера вечар на терену у Старей школи у Руским Керестуре почал Ноцни турнир у малим фодбалє, на хторим ше того року змагаю штири екипи младших пионирох, пейц екипи пионирох, пейц екипи ветеранох и 12 екипи сениорох – з Руского Керестура, Кули, Червинки и Вербасу. Шицки екипи бавя у єдней ґрупи, окрем сениорох, хтори подзелєни до двох ґрупох.

Змаганя на Турнире буду кажди дзень, окрем соботи, и починаю на 19,45 годзин, а орґанизатор – СД „Русин” – предвидзує же Турнир будзе тирвац коло 20 днї, односно до конца мешаца.

11-Turnir-02

На концу Турниру побиднїки у пионирскей катеґориї достаню символични награди, ветеранє зрозмирно подзеля награди, а найвекши наградни фонд у катеґориї сениорох.

Побиднїцка екипа у катеґориї сениорох достанє 50 одсто уплати плус 15 000 дин., за освоєне друге место награда 30 одсто од уплати и 10 000, а за треце освоєне место награда 20 одсто од уплати и 5 000 динари.

Окремни награди предвидзени и за найлєпшого бавяча, ґолмана и ґолґетера у шицких катеґорийох.

ПОВЯЗАНИ ТЕКСТИ