Початок ришованя „шмердзацого беґелю”

автор зам; фото q-media
983 Опатрене

КУЛА – Понеже после пририхтованя документациї Општина Кула розписала явну набавку за вибудов улїчней канализацийней мрежи у Кули и Червинки, там дзе єй нєт, як и за вибудов транзитного поцискуюцого воду Червинка-Кула, почало ришованє вецейдеценийного проблему „шмердзацого Беґейцу”.

Як гварел предсидатель Општини Кула Перица Видеканїч, попри нєзанятосци то у тей општини найвекши проблем и загрожує тисячи людзох.

– У кулскей општини то найвекше инвестицийне укладанє, за хторе Општина зоз свойого буджету за прешли и тот рок видвоєла половку потребних средствох, а друга часц средствох обезпечена з кредиту – гварел Видеканїч.

Вибудов поцискуюцого воду Червинка-Кула значи конєчне ришованє проблему заґадзеносци Велького Бачкого беґелю. Канализацийни колектор Червинка-Кула будзе повязани з колектором Кула-Вербас, односно Централним пречисцовачом за преробок одрутних водох з општинох Кула и Вербас.

ПОВЯЗАНИ ТЕКСТИ