НОВИ САД – Виучованє руского язика на штредньошколским уровню у Новим Садзе будзе орґанизоване и у наступаюцим школским року, и перши годзини наставнїца Ванеса Медєши отрима 12. и 17. септембра.
На пондзелок, 12. септембра, на 20 годзин перша годзина руского за штредньошколцох будзе отриманаа у Доме школярох „Бранково коло”, улїца Висарионова ч. 3, а на соботу 17. септембра на 9 годзин, у Технїчней школи „Милева Марич Анштайн”, улїца Ґаґаринова ч. 1.
Дружтво за руски язик, литературу и културу з Нового Саду поволує шицких школярох хтори у рамикох штредньошколскей настави нащивйовали годзини руского язика и прешлого року, а тиж и тих цо су новоуписани до штреднїх школох у Новим Садзе, же би нащивйовали годзини на єдним зоз спомнутих местох хторе им баржей одвитує.
Заинтересовани школяре ше за подробнєйши информациї можу явиц и наставнїци Медєшовей на имейл адресу vanesamedjesi@gmail.com, або на моб. тел. 060 385 77 71, лєбо до Дружтва на адресу papugai@mts.rs або моб. тел. 064 19 75 281.