БИКИЧ – Винаре и винїцаре всоботу, 14. фебруара, преславели свойого защитнїка – святого Трифуна, за котрого ше вери же є чувар винїцох и других шацох од чкодлївцох. Од 14. фебруара почина и орезованє виновей лози.
У Бикичу ше преславу Дня св. Трифуна уж традицийно означує у винїци Мирослава Сокола, а того року першираз з нагоди швета Бикичанох нащивели и госци зоз Словацкей, з Бардейова. Госци з домашнїма бешедовали и о заинтересованосци Бикичанох за роботу у Ческей Републики.
Винїцу Мирослава Сокола пошвецели нашо двоме священїки – парох шидски о. Михайло Режак и парох у Бикичу о. Владимир Еделински Миколка.