МИКЛОШЕВЦИ – У грекокатолїцкей церкви Рождества Пресвятей Богородици у Миклошевцох 6. януара преславене Богоявленє Господнє. На Служби Божей, хтору служел парох миклошевски и викар славонско-сримски о. Яким Симунович, пошвецена вода, а потим и нукашньосц церкви.
После обряду пошвеценя вирни воду однєсли дому, а исти дзень пополадню почало и пошвецанє 120 обисцох, хторе будзе закончене нєшка, 8. януара.
Як Рутенпрес дознава од о. Симуновича, у 2015. року у парохиї повинчана єдна малженска пара, кресцених нє було, а умарли пейцме хлопи.