РУСКИ КЕРЕСТУР – У нашим Марийовим святилїщу Водици од пондзелку, 23., та по вовторок, 31. май, тирва традицийни Водицов тидзень. У тим тижню ше у Водици кажди дзень, окрем внєдзелю, служа служби Божо, як законченє мешаца мая, хтори у цалей Католїцкей церкви пошвецени Мацери Божей Мариї.
Служби Божо кажди дзень рано на 9 годзин, окрем 31. мая, на нєзаповедане швето Царици Богородици, кеди Служба у Водици будзе на 19 годзин.
Вирни 31. мая можу вихасновац нагоду за полни одпуст, хтори у Водица мож достац у Ювилейним Року Милосердия, а од Завитного дня и тирвацо з окремних нагодох, праве яка будзе на швето Царици Богородици.