РУСКИ КЕРЕСТУР – Фодбалере Русину з Руского Керестура всоботу, 12. марца, одбавели перше змаганє у ярнєй часци першенства у Медзиопштинскей фодбалскей лиґи Зомбор, и на госцованю у Ґакове победзели домашнї Гранїчар з 3:0.
Два ґоли за Русин дал Алек Чизмар и єден Денис Гарди.
Русин тераз ма 32 боди и на таблїчки є у горнєй часци, а на нєдзелю, 20. марца, на своїм Ярашу дочекує Гайдук зоз Стапару. Змаганє почина на 15 годзин.