КОЦУР – У просторийох ФК Искра внєдзелю, 22. марца отримана схадзка Предсидательство Клубу пред початком ярнєй часци першенства у Медзиопштинскей фодбалскей лиґи Вербас-Жабель-Титель, як и пре пенєж хтори Општина Вербас наменєла Искри.
Представени финансийни контракт з Општину Вербас и по словох предсидателя Клубу Виктора Ґрешака, Искра би мала достац 322 500 динари за цалорочне функционованє, з наглашеньом же то будзе витворене кед будзе пенєжи у општинским буджету.
Члени Предсидательства ше зложели же тота сума, нєдостаточна, понеже за нормалне фунционованє мешачно необходни од 50 000 по 75 000 динари.
Першенство почина на нєдзелю, 29. марца, а у тим року Искра од Општини ище нє достала анї динар, наглашене на схадзки.