НОВИ САД – Стреду, 25. марца отримана схадзка експерсткей мисиї Европскей униї (ЕУ) и представительох Городу Нови Сад, на хторей бешедоване о мултиетнїчносци, значносци прилапйованя розличних од себе, та положеню националних меншинох у Сербиї.
Член Городскей ради за социялну защиту и старосц о фамелиї и дзецох Никола Чирович визначел же Нови Сад приклад городу у хторим ше витворює заєднїцки живот припаднїкох националних меншинох и векшинского народу и же у тей обласци зазначена добра пракса.
Мисия ЕУ у Новим Садзе остатнї раз була пред трома роками, а єй член Райнер Хофман на тим сходзе гварел же закони хтори реґулую права националних меншинох у Сербиї добри, медзитим, обласци у хторих треба константно робиц то образованє националних меншинох, хаснованє язика и писма, та уключованє националних меншинох до виробку предлогох законох.