ШИД – Предсидатель Општини Шид Никола Васич приял вчера представительох Националного совиту Словацох, а бешедоване о положеню словацкей националней меншини у шидскей општини, о просвити, култури и информованю.
Предсидатель Васич наглашел же припаднїки словацкей меншини ту пестую шицки права предписани зоз законами, а локална самоуправа потримала и предкладанє же би на предшколским уровню було запровадзене пестованє словацкого язика у Ердевику, Люби и Бинґули, о чим ше маю перше вияшнїц родичи дзецох.
У мено Националного совиту Словацох на приєму и розгваркох подзековали член Совиту Павел Сурови и членїца Совиту и народна посланїца у Скупштини Сербиї Либушка Лакатош и зложели ше же Словаци у шидскей општини витворюю шицки заґарантовани права.
Представителє Националного совиту Словацох вчера нащивели и Словацку євенгелистичну АВ церкву у Шидзе, КУД у Ердевику, а однєсли и коло 500 кнїжки до Бинґули.