Представителє НС нащивели Шид

автор влдї
856 Опатрене

ШИД – Предсидатель Вивершного одбору Националного совиту (НС) Руснацох Желько Ковач, предсидателька Одбору за културу Ґабриєла Саянкович и секретар НС Таня Арва Планчак вовторок, 30. юния нащивели Подручну канцеларию (ПК) НС у Шидзе.

У Руским доме у Шидзе з координаторку Подручней канцелариї Наташу Еделински Миколка и представителями Културно-просвитного дружтва (КПД) ,,Дюра Киш,” розпатрени питаня з обласци образованя, култури, информованя и службеного хаснованя руского язика и писма, спатрени и стан у роботи спомнутого дружтва, як и витворйованє правох Руснацох у Шидзе у спомнутих штирох обласцох.

1-Sid-02

Домашнї винєсли свойо становиска, зауваги и предлоги, а понукнути и одредзени ришеня за превозиходзенє винєшених проблемох у витворйованю правох у обласцох за хтори национални совити компетентни.

На концу схадзки Желько Ковач до ПК, односно КПД, придал малюнок нашого познатого уметнїка Владу Нярадия, з циклусу ,,Карпатски мит”, понеже Няради по єдну свою роботу дарує шицким нашим КУД.

1-Sid-03

ПОВЯЗАНИ ТЕКСТИ