НОВИ САД – Пре отверанє двох нових дзецинских заградкох у Новим Садзе и Ветернику, Предшколскей установи „Радосне дзецинство“ потребне анґажовац ище 90 особи, стої у предкладаню одлуки хтору прилапела Скупштина городу Нови Сад.
Медзитим, согласносц за нови роботни места и звекшанє буджету за тоту намену од Влади Сербиї ище вше нє достата. По словох о.д. началнїка Городскей управи за образованє Лидиї Томаш, на уровню Нового Саду уж одредзене число занятих у явним секторе, хторе нє мож звекшовац, так же у „Радосним дзецинстве“ буду мушиц розпоредзиц роботнїкох.
Було слова и о дочасовому планє – же би ше одпущело одредзене число пораячки и анґажовало додатне число воспитачох, а пораячки би вец приходзели з других явних подприємствох. Медзитим, як пише портал 021, тоти информациї демантовани у других городских медийох.