Пред читачами нове „Руске слово”

автор ядю
825 Опатрене

НОВИ САД – У тогорочним двацетим чишлє новинох „Руске слово” рубрика „Тижньовнїк“, медзи иншим, пише о поцагованю закона о учебнїкох зоз скупштинскей процедури, а ту и текст зоз схадзки Одбора за информованє Скупштини АП Войводини.

„Нашо места”, окрем актуалносцох зоз других општинох, знова пишу о проблемох зоз нєисправну воду за пице у Руским Керестуре, док рубрика „Економия” спатра яки резултати нєдавно законченого 82. Медзинародного польопривредного сайму у Новим Садзе.

„Култура и просвита” ше огляда на манифестацию „Ноц музейох”, а зазначени и успихи на смотрох музичарох и рецитаторох, и преноши вистки о наиходзацим Фестивалу култури „Червена ружа”.

„Духовни живот” пише о парохиянох хтори вредно ушорюю парохиї и теметови пририхтуюци ше за швето Русадля, а рубрика „Людзе, роки, живот”, окрем нового предлуженя фельтону о двох рочнїцох нашей Установи, пише о войнових и повойнових искуствох Коцурцох у знаку означованя 70 рокох од побиди над фашизмом.

„Спорт” приноши резултати у фодбалских лиґох у хторих бавя нашо клуби, пише о школи плїваня у Вербаше, та о успиху керестурских атлетичарох на двох вельких змаганьох..

ПОВЯЗАНИ ТЕКСТИ