РУСКИ КЕРЕСТУР – Треца ґенерация школярох обновеней рускей ґимназиї, хтора седемдзешатих рокох прешлого вику у Руским Керестуре робела як Оддзелєнє Ґимназиї „Жарко Зренянин” з Вербасу, внедзелю, 8. мая, преславела 40-рочнїца матури.
До того керестурского Оддзелєня 1972. року були уписани 27-еро школяре, котри матуровали 1976. року, а класни старшинове им були Яков Кишюгас и уж покойни Владимир Бесерминї.
Спомедзи 21-ого живого бувшого матуранта, на сходзе у Руским Керестуре присуствовали 16-еро, а котри тераз жию у Керестуре, Коцуре, Новим Садзе, Осиєку, аж и у Лондонє у Велькей Британиї и у Канади.
Спомедзи 27-ерих матурантох з тей ґенерациї керестурского руского оддзелєня вербаскей Ґимназиї 1 доктор наукох 15-еро закончели факултети, а 1 уж и пензионер.