ДЮРДЬОВ – Парохиянє у дюрдьовскей церкви Рождества Пресвятей Богородици вчера преславели Квитну нєдзелю. После раншей Служби на 9 годзин, члени Церковного одбору присутним подзелєли пошвецани багнїтки.
– З нєшкайшу Квитну нєдзелю провадзиме Исуса Христа пре любов ґу ньому, алє и прето же з тим свидомо доставаме любов Божу, провадзиме го як цо го на Квитну нєдзелю провадзели Єрусалимянє и гевти цо з цалого швета пришли до Єрусалиму пре швеценє пасхи – гварел у казанї дюрдьовски о. Йоаким Холошняй.
Служби провадзел дюрдьовски Хор Розанов, у хторим шпивал и ґосподїнски парох о. Михаилл Холошняй.
