ДЮРДЬОВ – Пририхтованя за соботови Бал широких сукньох, котри уж традицийно орґанизує дюрдьовске Културно-уметнїцке дружтво „Тарас Шевченко”, при концу.
Вчера, 31. януара, як и каждого року два днї пред балом, орґанизована забивачка, на тот завод у обисцу Мирослава Барнового, нововибраного члена Управного одбору дюрдьовского Дружтва.
Тот обичай пририхтованя швижого меса за вечеру на Балу, як и домашнїх продуктох з меса за потреби Дружтва, тирва роками, а окрем членох Управного одбору, помагаю и други.
Бал широких сукньох будзе отримани на соботу, 2. фебруара од 20 годзин, а карти мож превжац нєшка од 19 по 20 годзин у просторийох Дружтва.