Пририхтує ше Руски християнски календар за 2016. рок

автор шан
771 Опатрене

НОВИ САД – Руски християнски календар за 2016. рок би мал висц початком децембра – заключене на схадзки Редакцийного колеґиюму, отриманей пондзелок, 19. октобра у просторийох НВУ „Руске слово” у Новим Садзе. На схадзки утвердзена конєчна концепция Календару, порадзене о динамики придаваня текстох, як и о випатрунку нашей новей рочней кнїжки.

Календар вєдно пририхтую „Руске слово” и Християнски часопис „Дзвони”, а як порадзене, сотруднїки би свойо прилоги (у електронскей форми) мали доручиц по 10. новембер. Заключене и же у Календаре буду обявени цалком нови теми, о хторих през рок нє писане у „Руским слове” и „Дзвонох”.

На основи наявених темох мож обчековац же Календар будзе интересантни, а попри насловох з обласци култури, духовного живота, психолоґиї, литератури, спорту и других, понукнє и даскельо екслузивни тексти, як цо то виривок з менєй познатих есеїстичних текстох Гавриїла Костельника з кнїжки „Квити на престолу”, статю о стану Музейней збирки у Руским Керестуре, о европских интеґрацийох и месце Руснацох и други.

ПОВЯЗАНИ ТЕКСТИ