КОЦУР – Ище вше ше мож приявиц за тогорочну, Шесту Акцию младих „Дай и ти свою руку” у Коцуре, а приявйованє тирва по 30. юний до пол ноци. Акция будзе од 21. по 23. юлий.
– Тогорочна акция будзе мац исти концепт як и прешлорочна, так же будзе мац свою духовну, роботну и часц за розвагу. Но, конєчна програма Акциї ище вше нє утвердзена до конца – виявела за Рутенпрес Николета Недич, єдна з орґанизаторох Акциї младих „Дай и ти свою руку”
На Акцию ше можу приявиц особи старши од 14 роки на официйним веб-сайту Коцурского здруженя младих (КУМ) https://kumkucura.wix.com/official, а як гварела Недичова, уж приявени вецей як 80 млади з Коцура и сушедних местох, як и з цалей Сербиї.