БАЧИНЦИ – После вецей рокох намаганя, терашньому составу руководительства у Месней заєднїци (МЗ) Бачинци ше удало привесц ґу концу роботи на каплїчки на валалским теметове.
По словох предсидателя Совиту МЗ Бачинцки Слободана Лазарова, конєчно закончени роботи на ошвиценю каплїчки и до конца мешаца будинок будзе пририхтани за хаснованє.
Каплїчка будзе хаснована за хованя и на православним, грекокатолїцким и католїцким теметове, як то плановене од початку єй вибудови пред вецей роками, кеди з покраїнского уровню достати и перши средства за єй вибудов.