НОВИ САД – У Заводзе за културу войводянских Руснацох у Новим Садзе вчера, 29. новембра, отримана промоция мастер роботи Ани Римар з назву „Уплїв українских писательох на Михайла Ковача”, хтору Завод видал у рамикох Конкурсу Едиция иновациї „Владимир Ґарянски”.
Шицких присутних привитала о. д. директора Заводу Ивана Дудаш, а о публикациї бешедовал академик Юлиян Тамаш, котри окреме похвалєл роботу Римаровей и визначел же робота добра основа за дальше виглєдованє и докторску дисертацию. Визначел и же Ана дошла до Ковачових дньовнїкох, хтори руцаю нове шветло на його творчосц.
Тота интересантна тема на промоциї отворела и вецей дискусиї, а на Римаровей тераз, и як стипендисти Министерства просвити, науки и технолоґийного розвою на докторских студийох, як и сама гварела – прешированє и преглїбйованє того цо започала.
Публикация обявена з потримовку Покраїнского секретарияту за културу, явне информованє и одношеня з вирскима заєднїцами.
