Промоция Сербскей напредней странки

ДЮРДЬОВ – Прешлого тижня члени Месного одбору (МО) Сербскей напредней странки (СНС) у Дюрдьове, як и МО у шицких местох жабельскей општини дзелєли промотивни летки, а пред тим, 23. марца, цилї тей странки представени и на промотивним сходзе у Вельей сали Задружного дому.

На сходзе у Дюрдьове представени кандидати за одборнїкох у Скупштини Општини Жабель, як и кандидат за покраїнского посланїка з општини Душко Михелц з Дюрдьова, а присуствовали и високи функционере СНС – министер правди Никола Селакович, директор Управи царинох Милош Томич и заменїк шефа Одборнїцкей ґрупи СНС у Скупштини Городу Нови Сад Дина Вучинич.