БЕОҐРАД – Гоч представителє синдикатох просвитних роботнїкох и Министерства просвити прешлого тижня усоглашели колективни контракт, штрайк ше нє претаргує, бо Министерство просвити вимага же би пред подписованьом колективного контракту було подписане спорозуменє о претаргованю штрайку, цо синдикати одбили – гварел подпредсидатель Синдикатох роботнїкох у просвити Сербиї Миодраґ Сокич за аґенцию Бета.
Министер просвити Срдян Вербич поручел же є свидоми же, гоч штрайк престанє, финансийни условия просвитних роботнїкох и далєй буду проблем, та треба зменшац число занятих у просвити.
Синдикати просвитних роботнїкох и Министерство ше зложели же треба основац роботну ґрупу хтора будзе робиц на ришованю питаня як финансийно помогнуц роботнїком, алє затераз нє познате кеди вона будзе основана.
Просвитни роботнїки хтори штрайкую нєшка, на школску славу, у Беоґрадзе отримаю „Вельки святосавски поход просвитних роботнїкох“.