НОВИ САД – Покраїнска влада вчера упутела протест Влади Републики Сербиї пре, як поведзене у сообщеню – драстичне зменшанє сбувенцийох за польодїлску продукцию. Покраїнска влада думаня же ше неґативни пошлїдки того зменшаня одража на шицких гражданох Сербиї.
– То директно будзе уплївовац на зменшанє обсягу и квалитет польопривредних продуктох, бо польопривреднїки нє буду мац пенєжи за аґротехнїчни мири и сортне нашенє и, пошлїдково, на вецей тисячи польопривредни ґаздовства. Зменшанє субвенцийох ше одражи и на цену поживи и животни стандард шицких гражданох, алє и на вивоз польопривредних продуктох – гвари ше у сообщеню з Покраїнскей влади.
З Уредбу Влади Сербиї о потримвки у польопривреди предвидзене же место 12 000 дин. по гектаре, як було дотераз, субвенциї того року буду 4 000 дин. по гектаре, а утаргнуте реґресованє горива.