ДЮРДЬОВ – Основна школа „Йован Йованович Змай” з Дюрдьова 2003. року вошла до проєкту „Школске розвойне планованє” и дотераз реализовала, лєбо су у цеку, дзевец проєкти.
Найновши проєкт то Потримовка розвою людского капиталу и виглєдованя – „Развионица”, хтори ше финансує з предприступних фондох Европскей униї, а потримує го Министерство просвити, науки и технолоґийного розвою Сербиї. Циль проєкта звекшанє знаня и схопносци наставнїкох за хаснованє сучасних технолоґийох у настави.
Окрем средствох за семинари, Школа по велїх проєктох достала и значни средства за опрему, лєбо мебель до учальнох. Так по проєкту „Реґионална потримовка инклузивному образованю”, хтори будзе закончени того року, Школа достала 9 500 еври за семинари и наставну опрему.
До проєкту „Развионица” Школа з Дюрдьова уключена од новембра прешлого року, а тераз тирва он-лайн обука наставнїкох, хтора будзе тирвац 6 тижнї.
Дюрдьовска ОШ „Йован Йованович Змай” (Фото:Хелена Корпаш)