Путуюца икона ш. Йосафати од вчера у Кули

автор маф; фото: ш.сл.
1.2k Опатрене

КУЛА – Путуюца икона блаженей ш. Йосафати Гордашевскей вчера з Руского Керестура шветочно пренєшена до парохиї свющеномученїка Йосафата у Кули, дзе  цали тот тидзень будзе у кулским манастире ш. служебнїцох.

Икона ш. Йосафати до кулскей церкви вчера принєшена пред Службу Божу на 9 годзин, та ше вирни могли помодлїц пред икону и поциловац мощи блаженей Йосафати, о чиїм живоце и чеснотох шестри по Служби пречитали пригодни реферат.

Икона ш. Йосафати у кулским манастире ш. служебнїцох до конца того тижня будзе доступна каждому хто ше пред ню жада помодлїц.

Путуюца икона ш. Йосафати, сновательки ш. служебнїцох, прешлей соботи до Руского Керестура сцигла зоз Словацкей, а на драгу по швеце рушела 2013. року з Бразилу.

У Сербиї икона останє до конца того року и будзе представене у наших парохийох и манастирох шестрох служебнїцох.

ПОВЯЗАНИ ТЕКСТИ