ДЮРДЬОВ – Републичне змаганє з руского язика и язичней култури основних школох у хторих ше настава орґанизує по руски и школох у хторих ше руски язик виучує як виборни предмет з елементами националней култури, 15. по шоре, будзе отримане на штварток, 21. мая у Основней школи „Йован Йованович Змай” у Дюрдьове.
Приход учашнїкох плановани до 9,30 годзин, шлїдзи отверанє Републичного змаганя, ришованє тестох од 10 до 11,30 годзин, а очекує ше же помедзи 14,30 и 15 годзин буду преглашени резултати змаганя.
Републичне змаганє з руского язика орґанизує Министерство просвити Републики Сербиї и домашня змаганя, дюрдьовска Основна школа „Йован Йованович Змай” у сотруднїцтве з Дружтвом за руски язик, литературу и културу.