Реґресованє часци драгових трошкох за штредньошколцох

автор ядю
850 Опатрене

НОВИ САД – З буджету Городу Нового Саду и того року буду опредзелєни средства за реґресованє часци драгових трошкох за школярох штреднїх школох хтори зоз териториї Городу Нови Сад путую до школи до других општинох.

Право на таку файту финансийней помоци (80 одсто реґресовани драгово трошки) маю школяре без єдного лєбо обидвоїх родичох, школяре зоз фамелийох хтори маю право на дзецински додаток, хтори маю вибеженску леґитимацию, дзеци погинутих борцох лєбо воєних инвалидох зоз териториї Городу Нови Сад, як и дзеци зоз фамелийох у хторих двойо лєбо вецей дзеци путую до школи до другого места.

Право на реґресовани драгово трошки (40 одсто) маю и други школяре хтори ходза до школи до других општинох до штреднїх школох чий снователь Република, Автономна покраїна лєбо єдинка локалней самоуправи.

Тото право школяре можу почац витворйовац од октобра 2015. року по конєц школского 2015/2016. року, односно найдалєй до юния 2016. року.

Вимоги треба придац на писарнїци Городскей хижи у Новим Садзе, Площа шлєбоди 1, на шалтерох 13 и 14, кажди дзень од 8 до 15 годзин до 25. септембра.

ПОВЯЗАНИ ТЕКСТИ