ШИД – У рамикох Фестивалу „Свратиште у позориште”, вчера у сали Културно-образовного центру Шид виведзена представа „Як забиц предсидателя” Миру Ґаврана, у режиї Владимира Надя Ачима, а у виводзеню ґлумцох Руского народного театру (РНТ) „Петро Ризнич Дядя”. Представу РНТ витворел у копродукциї з вербаским КПД-ом „Карпати”.
Анї подла хвиля нє зопарла любительох театралней творчосци же би пришли и патрели спомнути фалат, а окрем Руснацох, у публики були и патраче котрим руски язик нє мацерински.
На концу представи, госцом – ґлумцом РНТ з Вербасу и Коцура, режисер у домашнїм Аматерским театре „Брансилав Нушич” Цветин Аничич, у мено орґанизатора придал подзекованє за участвованє на Фестивалє, хтори будзе закончени на нєдзелю, 18. октобра.
