ДЮРДЬОВ – У тижню за нами, опрез Културно-уметнїцкого дружтва „Тарас Шевченко” у Дюрдьове, отримани два роботни акциї на котрих пририхтовани простор за поставянє капури и капурки опрез обєкта Дружтва.
Попри вилятого фундаменту за капури вибудовани и штириметерови мурик, а тераз ше чека на майстра же би закочел правенє капури и капурки.
Идея о оградзованю настала пред вецей роками, а Управни одбор прешлого року одлучел же оградзи обєкт пре вше частейши вандализми.
Средства за тоти будовательни роботи обезпечела Општина Жабель, а часц средствох достати прейґ конкурсу Националного совиту рускей националней меншини прешлого року.
