Розписана оглашка за простор на индустрийней зони

автор зам
1.2k Опатрене

КУЛА – Општина Кула пондзелок, 25. юлия розписала Явну оглашку за предаванє будовательней жеми у явней власносци у индустрийней зони у Кули, поверхносци 4 гектари и 29 ари. Жем будзе предата на лицитациї, а початна цена 25 милиони 797 000 динари.

Будовательну жем у индустрийней зони мож хасновац за вибудов шицких привредних субєктох, маґазинского простору, обєктох за услужни дїялносци, та инфраструктурних и других обєктох хтори компатибилни з дїялносцами у околїску. У роботним комплексу мож збудовац и службени квартелї.

На лицитациї можу участвовац шицки заинтересовани правни и физични особи, котри уплаца депозит од 20 одсто початней цени – 5 милиони 159 520 динари.

Термин за приявйованє по 23. авґуст (до 14 г.), а прияви ше придава до ЯП „Завод за вибудов” Кула, Ленїнова 8.

Лицитация будзе 24. авґуста на 10 годзин у „Заводу за вибудов” Кула, а купец у чаше од три роки од подписованя контракту муши привесц до намени купену будовательну жем.

ПОВЯЗАНИ ТЕКСТИ