СРИМСКА МИТРОВИЦА – У парохиї у Сримскей Митровици будзе таки розпорядок Службох Божих у Вельким Тижню и на Паску.
Нєшка будзе означени Вельки Штварток, Вечурня зоз Службу будзе на 15 годзин; На Вельки Пияток Утриня зоз читаньом страсних Євангелийох будзе на 8 годзин, на 15 годзин Вечурня зоз покладаньом плащанїци до гробу, а вирни ше можу присц поклонїц Христови у гробе; Велька Собота – Єрусалимска Утриня почнє на 8 рано; Пасха на нєдзелю, 19. априла, на 8 рано воскресна Утриня зоз Службу Божу.
Кед же будзе допущенє за знїманє директного преносу Службох на фейсбуку Коломийки – будзе можлївосц духовного участвованя.
Розказ и здравствени мири Кризного штабу Влади Републики Сербиї предвидзую забрану сходох векшого числа людзох, медзи присутнима муши буц одстоянє од минимално два метери, зменшани дружтвени контакт, ношенє защитней опреми (рукавицох и маскох) и почитованє справованя у складу зоз очуваньом общей безпеки под час епидемиї и позарядового стану.
Фаховци з обласци здравя совитую же би ше на швета остало дома.