КУЛА – На предкладанє предсидателя Општини Кула Драґана Трифуновича, Општинска рада на вчерайшей схадзки розришела длужносци началнїка Општинскей управи Кула Велибора Савковича, а по поставянє нового, функцию началнїка будзе окончовац його заменїк Стєпан Вакула.
Општинска рада вчера прилапела и предлоги ришеньох за дзелєнє добитку у комуналних подприємствох „Комуналєц” у Кули, „Руском” у Руским Керестуре, и „Роботнїк” у Сивцу, а прилапела и вименки Локалного акцийного плану за обезпечованє роботи у 2015. року.