ШИД – Предраґ Муйкич, директор Реґионалней привредней комори сримского управного округу и Зорана Каралич, координаторка за сектор услугох, вчера нащивели РТВ „Коперникус“ у Шидзе и придали плакету за доприношенє у информованю на подручу Сриму тей медийней хижи.
Директор Муйкич, придаваюци плакету, хтору приял новинар Небойша Суботич, гварел же тот медий зоз своїм информованьом препознатлїви медзи слухачами и патрачами, а тиж и при привредней комори.
На награди подзековал Небойша Суботич и гварел же то источасно и обовязка же би ше и надалєй добре робело и информовало слухачох и патрачох РТВ „Коперникус“.
