РУСКИ КЕРЕСТУР – Рукометаше Русину прешли викенд бавели два першенствени змаганя у Бачкей рукометней лиґи – пияток, 5. юния, у Бездану страцели од першопласованого на таблїчки, Ґрафичара, а потим внєдзелю на домашнїм терену победзели другопласовану екипу – ПИК Приґревица з истоменого места.
Ґрафичар пияток победзел Русин зоз 36:30, а найвецей ґоли за Керестурцох на тим змаганю посцигли Славко Гербут 12, Иван Рац 5 и по штири Владислав Салак и Томислав Семан.
Внєдзелю, у остатнїм колє першенства, Русин ПИК Приґревицу победзел зоз 43:36, а найвецей ґоли на тим змаганю дали Семан 13, Гербут 10 и Боянович 8.
Того тижня будзе познате же хторе место Русин завжал на концу першенства у Бачкей рукометней лиґи.