Русиновци поражени од Червинчаньох

автор а. медєши
493 Опатрене

ЧЕРВИНКА – На остатнїм приятельским стретнуцу одбавеним всоботу, 27. фебруара у госцох, Русиновци страцели з резулатом 4:2 (1:1) од ФК Червинка.

До Червинки, як и прешлого тижня, екипа Русину пошла преполовена, а од стандардних першотимцох, хибели седемцме бавяче.

У першим полчасу Боян Бранкович зоз шлєбодного бица, зоз коло 20 метерох, дал перши ґол, та Русин водзел з 1:0, медзитим, домашнї нєодлуга виєдначели.

На самим початку другого полчасу, у красней акциї, Деян Чернок после двох дуплих пасох вибил сам пред ґолмана и послал лабду точно до ґолу. Нєодлуга домашнї дали ище два ґоли, та конєчни резултат бул 4:2 за Червинку.

На стретнуцу всоботу Русин бавел у составе – Калинич, Кочиш, Голик, Вуйович, Ланчужанин, Павлович, Вуйович, Чернок, Рац, Бранкович, Будински. Место Бранковича вошол Джуджар, место Голика вошол Тома, а на змаганє нє пришли Саянкович, Малацко, Дюканович, Кулич, Даноєвич, Тома и Боднар.

Перше змаганє у тей ярнєй часци Першенства будзе отримане на нєдзелю, 7. марца, на хторим Русиновци буду бавиц у госцох процив ФК Кулпин.

ПОВЯЗАНИ ТЕКСТИ