Русински радия и по кабловско-сателитскей системи

автор лем.фм/зам
939 Опатрене

Польска/Словацка – Од 1. априла два русински радия – „ЛЕМ.fm” и „русин fm” преширели свойо емитованє, так же попри по интернету, як було до тераз, годно их слухац и по кабловскей, односно сателитскей системи.

Спомнути радия подписали контракт з кошицку фирму „Антик”, прейґ хторей хаснователє ИПТВ, ОТВ, та хаснователє мобилней телефониї, годни слухац програми „ЛЕМ.fm” и „русин fm”, односно нє лєм на компютерох, алє и на диґиталних ТВ прейґ сет-топ-боксох и апликацийох на „смартфонох”.

З ОТТ-систему и и з мобилну апликацию „Антик ТВ ГО”, фирма „Антик” покрива територию цалей Словацкей, а з ИПТВ-систему векшином восточну и сиверовосточну часц Словацкей, дзе и Кошице, як други город по велькосци у Словацкей.

Снователь „ЛЕМ.fm” радия Здруженє Руска берза з Ґорлицох у Польскей, а радия „русин fm” Здруженє гражданох Русин Медиа з Братислави у Словацкей.

ПОВЯЗАНИ ТЕКСТИ