РУСКИ КЕРЕСТУР – На пририхтуюцим змаганю за ярню часц першенства, фодбалере керестурского Русину всоботу дома зоз 1:3 страцели од Младосци зоз сушедного Крущичу. Ґол за Русин посцигнул Алек Чижмар.
Русин и вчера одбавел пририхтуюце змаганє, та на госцованю у Панониї, з истомену екипу одбавел нєришено 4:4. По єден ґол за Русин вчера дали Борис Орос, Кимо Гарди и Боян Бранкович, а єден Панония дала як автоґол.
Анї на терашнїх змаганьох ище вше нє бавели шицки бавяче Русину, а шлїдуюце пририхтуюце змаганє Керестурци одбавя на соботу, на своїм терену.