РУСКИ КЕРЕСТУР – У остатнїм колє у Медзиопштинскей фодбалскей лиґи Зомбор рускокерестурски Русин вчера на своїм Ярашу з 1:2 страцел од Полету з Каравукава. Ґол за Русин дал Янко Кулич.
Русин першенство закончел на 7. месце на таблїчки зоз 45 бодами и сполнєл зарисовани план – пласовац ше до висшого ранґу змаганя, понеже осем першопласовани екипи з тей лиґи убудуце буду бавиц у новей фодбалскей лиґи, формованей з екипох зоз Заходнобачкого округу и општини Бачка Паланка.
По 10. юлий фодбалере Русину буду мац павзу, а потим почню пририхтованя за нове першенство, хторе почнє штредком авґуста.